呢部機係我中學嘅時候睇開心大發現嘅時候就知道，但拖到幾年後，2012年先捨得買，當時好像以4千幾嘅價錢買。會買係因為當時已經疊埋心水去dermes做激光脫毛，但冇意中又諗番起部機，既然dermes脫腋下都要8千幾，心諗不如買部機自己脫全身仲好~當時係網上搵左評價好耐，但冇乜人討論部機，就算有分享都係用左幾次，都唔知會唔會真係做到永久~~博下的心態之下最終都係去fitboxx買左（傳統粉紅色果隻）
部機有連一個燈盒
有英文，中文說明書及一隻光碟教學
它是以色列嘅行貨，所以係兩腳插，但入面會附送一個轉換插頭
我跟機送的燈盒已經用完（官方網話可以發750下燈），我諗我一個燈盒做左5~6次到（前臂，腋下，小腿）用完燈盒後，因為去左上海實習之後又去左韓國交流，已經有7~8個月冇做，啲毛毛當然生番晒出黎，但感覺比未做前已經幼啲及少左啲啲
依家韓國番來打算重新做番，今日去左買新燈盒（3盒$938）
用後感：
好處1. 用1~2次已明顯見到有效（毛幼左及生慢左）毛愈粗愈黑效果愈明顯
好處2. 方便，可以脫好多個部位
壞處1. 我小腿本身有毛髮倒生問題，因為用呢部機要先剃毛後打燈。我做左幾次後，發覺小腿的黑色一點點仍然存在，更煩的是呢啲毛毛已經停止生長，要吱番啲點點出黎，令到小腿損晒及好醜
壞處2. 冇做幾個月，啲毛是會生番出黎（似乎做唔到永久脫毛嘅效果） 但亦有可能係我未做得夠，因為我只係用完一個燈盒，所以我會再繼續做，遲啲再同大家分享。
雖然有缺點1，但我仍然決定做番。我改善辦法係小腿做之前唔用剃刀剃，用小剪刀剪短啲毛才打燈。
網上見到人話用完三個燈盒之後已經去得7788，我只係用左一個燈盒，所以我期待做多幾個燈盒之後，永久嘅效果會明顯啲啦。就算唔永久我相信啲毛點都會幼啲同少啲..
沒有留言:
張貼留言